ਬੋਏਫ੍ਰੈਂਡ ਦਾ ਝਗੜਾ ਲੈ ਮਹਿਲਾ ਪੁੱਜੀ ਡਿਸਪਿਊਟ ਟ੍ਰਿਬਿਊਨਲ

ਆਪਸੀ ਰਿਸ਼ਤਿਆਂ ਵਿੱਚ ਜੇ ਕਿਸੇ ਨੂੰ ਬੰਨਿਆਂ ਜਾ ਸਕਦਾ ਹੈ ਤਾਂ ਉਹ ਪਿਆਰ ਦਾ ਨਾਤ ਹੈ, ਪਰ ਅੱਜਕੱਲ ਦੀ ਨੌਜਵਾਨ ਪੀੜੀ ਇਨ੍ਹਾਂ ਰਿਸ਼ਤਿਆਂ ਨੂੰ ਵੀ ਕਾਨੂੰਨੀ ਸੀਮਾਵਾਂ ਦਾ ਡਰ ਪਾਕੇ ਨਿਭਾਉਣਾ ਸਹੀ ਸਮਝ ਰਹੀ ਹੈ। ਇਸਦੀ ਤਾਜਾ ਮਿਸਾਲ ਆਕਲੈਂਡ ਤੋਂ ਸਾਹਮਣੇ ਆਈ ਹੈ, ਜਿੱਥੇ ਇੱਕ ਮਹਿਲਾ ਨੇ ਆਪਣੇ ਬੋਏਫ੍ਰੈਂਡ ਨੂੰ ਇਸ ਲਈ ਡਿਸਪਿਊਟ ਟ੍ਰਿਬਿਊਨਲ ਵਿੱਚ ਘੜੀਸ ਲਿਆ,ਕਿਉਂਕਿ ਬੋਏਫ੍ਰੈਂਡ ਉਸਨੂੰ ਛੱਡਣ ਲਈ ਏਅਰਪੋਰਟ ਨਹੀਂ ਲੈ ਕੇ ਗਿਆ ਤੇ ਉਸਦੇ ਘਰ ਪਾਲਤੂ ਜਾਨਵਰ ਦੇ ਸਾਂਭ-ਸੰਭਾਲ ਲਈ ਰਾਤ ਨਹੀਂ ਰੁਕਿਆ, ਕਿਉਂਕਿ ਮਹਿਲਾ ਨੇ ਕਿਸੇ ਮਿਊਜਿਕ ਕਾਂਸਰਟ ਨੂੰ ਦੇਖਣ ਜਾਣਾ ਸੀ। ਮਹਿਲਾ ਦੀ ਇਸ ਕਾਰਨ ਫਲਾਈਟ ਛੁੱਟ ਗਈ ਤੇ ਅਗਲੇ ਦਿਨ ਉਹ ਆਪਣੀ ਮੰਜਿਲ ‘ਤੇ ਪੁੱਜੀ। ਆਪਣੇ ਪਾਲਤੂ ਨੂੰ ਉਸਨੇ ਕੈਨਲ ਵਿੱਚ ਛੱਡਿਆ ਤੇ ਡਿਸਪਿਊਟ ਟ੍ਰਿਬਿਊਨਲ ਵਿੱਚ ਮਹਿਲਾ ਨੇ ਉਸਦੇ ਇਨ੍ਹਾਂ ਖਰਚਿਆਂ ਦਾ ਸਾਰਾ ਹਰਜਾਨਾ ਬੋਏਫ੍ਰੈਂਡ ਤੋਂ ਮੰਗਿਆ ਤੇ ਇਸਨੂੰ ਇਮੋਸ਼ਨਲ ਰਿਲੈਸ਼ਨਸ਼ਿਪ ਵਿੱਚ ਵਰਬਲ ਐਗਰੀਮੈਂਟ ਦੀ ਉਲੰਘਣਾ ਦੱਸਿਆ।
ਪਰ ਮਹਿਲਾ ਨੂੰ ਇਸ ਲਈ ਮੂੰਹ ਦੀ ਖਾਣੀ ਪਈ, ਕਿਉਂਕਿ ਜੱਜ ਨੇ ਕਿਸੇ ਵੀ ਅਜਿਹੇ ਵਰਬਲ ਐਗਰੀਮੈਂਟ ਨੂੰ ਨਾਮਨਜੂਰ ਦੱਸਿਆ ਤੇ ਆਪਸੀ ਰਿਸ਼ਤਿਆਂ ਵਿੱਚ ਪਿਆਰ ਦੀ ਮੱਹਤਤਾ ਨੂੰ ਪ੍ਰਗਟਾਇਆ।